Ме праша и си замина
Published on 07/25,2016
Ме праша „Како ти е?“
Се насмевнав оти нема да ме разбере.
Ми рече „Кажи ми, те разбирам“
Почнав да му зборувам
За татнењето на срцето од стравот
За тупотот на коњаница од лутина
За застојот на воздух од љубов
Почнав да му ги распостилам моите емоции
Да му ги цртам моите мисли
Да му ги изнесувам моите идеи
Мојот поим за среќа, тој
Мојот поим за љубов, тој
Мојот поим за тага, тој
Моето скршено срце, повторно тој.
И тој никогаш не разбра
тој никогаш не ни можеше да разбере
го направи тоа кое очекував да го направи
си замина.