Молитва
Published on 07/12,2014
Многу често
ми недостигаат зборови,
а едно место
каде мириса на липи и борови,
полно е слогови
полно скршени зборови.
Си играм со нив, ги спојувам,
делчиња од сложувалка празна,
а многу се, премногу слични,
и многу се, премногу безлични.
Секој збор - болка
приказна сама за себе,
недостиг од капка мир,
секој поглед - желба искрена,
секоја солза - тајни вир.
Виновен никој не е,
вината ја носам само јас,
во душава темно се е,
и тивок се слуша глас,
молитва со дланки споени
за денови мирни броени.